Kan ek 'n kwalifikasie verwerf?

'n Sertifikaat word aan studente toegeken indien die student die eksamen suksesvol aflê. Aangesien die student 'n oopboek eksamen in sy eie huis voltooi, word 'n slaagpunt van 70% vereis, alvorens die sertifikaat toegeken word. Die student besluit vrywillig of hy die eksamen wil aflê ten einde die sertifikaat te kan ontvang.

Wat is die duur van die kursusse?

Die kursusse bestaan uit hoogstens vyf self-evaluerende werkopdragte wat oor 'n tydperk wat vir die student geskik is afgelê word en dan 'n vrywillige oopboek eksamen wat die student tuis voltooi aan die einde van die kursus.

Instruksiemetode van die kursusse

Die werkopdragte behels dat u ‘n gedeelte uit ‘n voorgeskrewe handboek bestudeer en daarna ‘n opdrag voltooi wat uit werklike voorbeelde bestaan (soos u dit in u kantoor sal gebruik). Werksopdragte kan ook op 'n rekenaar voltooi word. Alle werksopdragte, en ook die eksamen, word tuis afgehandel op 'n korrespondensiebasis en kommunikasie met die kursusaanbieders geskied deur middel van telefoon, faks of e-pos. Die kursusse dek al die nodige aspekte van hetsy finansiële rekordhouding of die hantering van alle vorme van belastings of ook die bemarking van landbouprodukte vir 'n boerdery. Onderwerpe wat gedek word, word later meer breedvoerig behandel. Werksopdragte word deur die student self aan die hand van memorandums nagesien.

Vir wie is hierdie kursusse ontwerp?

Die kursus is spesifiek ontwerp vir boere, boervroue, landbou-ekonome en ponsdames wat wat in boerderye werksaam is.

Moet ek rekeningkundige kennis hê om die kursusse te kan doen?

Geen vorige rekeningkundige kwalifikasies word vereis nie.

Van watter nut sal die kursus vir my wees?

Die kursus sal u in staat stel om u boerdery se finansiële rekordhouding en belastingberekeninge rekeningkundig korrek te kan doen. Beter rekeningkundige kennis sal u in staat stel om u boekhousagteware beter te kan interpreteer en ingeligte bestuursbesluite te kan neem gegrond op vertakkingsontledings en verhoudingsgetalle. Hierdie kursus is ook ideaal vir vir die opleiding van kantoor- of ponsdames wat u rekordhouding moet behartig. Kennis oor bemarking sal u in staat stel om 'n bemarkingsplan vir u eiesoortige omstandighede op te stel. Sodoende kan u produkte met minder risiko bemark word.

Watter onderwerpe word deur die kursusse gedek?

Die sillabusse van die kursusse is soos volg:

FINANSIëLE REKORDHOUDING

COMREK1 (Vyf werksopdragte)

Inleiding & begripsverduideliking
Opstel & open van rekeninge
- Bates, laste & eienaarsbelang
- Inkomste & uitgawes
Opskryf van transaksies
- Bates, laste & eienaarsbelang
- Inkomste & uitgawes
- Rekonsiliasies
Opstel van finansiële verslae
- Balansstaat
- Inkomstestaat
Ontleding & vertolking van verslae
- Vertakkingsontledings
- Verhoudingsgetalle
Belasting en finansiële rekordhouding

Watter handboek word gebruik?

Finansiële Rekordhouding vir ‘n Boerdery

BELASTING

COMTAX1 (Vier werksopdragte) COMTAX1 (Vier werksopdragte)

COMTAX1 (Vier werksopdragte)

Inleiding & begripsverduideliking
Inkomstebelasting
- Bepaling van belasbare inkomste
- Berekening van betaalbare belasting
BTW
- Berekening van uitset-BTW
- Bepaling van inset-BTW
Werkgewersbelasting
- Berekening van SIBW/LBS
- Administrasie van werkgewersbelasting
Ander belastings
- Boedelbelasting
- Skenkingsbelasting
- Streeksdiensteraadsheffings
Belastingbesparings & -vermydings

Watter handboek word gebruik?

Belastinggids vir ‘n boerdery

BEMARKING

COMMARK (Vier werksopdragte)

Inleiding
Historiese agtergrond
Die boer as bemarker
Vraag & aanbod
Prysbepaling
Koste van bemarking
Alternatiewe markgeleenthede
Kontraktuele verbintenis
Prysverskansing
Opbrengsverskansing
Uitvoere
Die waarde van markinligting
‘n Bemarkingsplan

Produkte sluit in:
- Vee;
- Graan; en
- Varsprodukte

Watter handboek word gebruik?

Bemarking vir ‘n boerdery